Mannskap i Fiskeridirektoratet Sjøtjeneste er trena og utstyrt for å frigjere kvalar frå tauverk, fiskereiskapar eller andre ting dei måtte kome i kontakt med. Denne unge vågekvalen hadde vikla seg inn i ei fortøyning (iletau) ved Bromnes på Rebbenesøy.

Meldinga kom inn kl. 12:10 frå fleire ulike hald, og MS Fjorgyn sette kursen mot ferjekaien ved Bromnes, ein times gange frå Tromsø. Vel framme vart kvalen lokalisert og MOB-båten vart sett på vatnet. Etter kort tid var kvalen frigjort og kunne symje frå staden.

Utan hjelpa frå Fiskeridirektoratet ville nok dette endt med drukning og død. Det er viktig at det er trente mannskap som blir tilkalt, når store sjøpattedyr viklar seg inn i ting i sjøen. I Norge er det Fiskeridirektoratet og Kystvakten som er trena til å løyse slike oppdrag.